السلام عليكم و رحمة الله تعالى و بركاته
🌟 فيسبوك عمل أبديت للوجو بتاعه وخلاه كل حروفه Capital وهيغير ألوانه، أخضر يتحط تحت شاشة تسجيل الدخول للواتساب، وأورانج على بنفسجي في شاشة الدخول للانستجرام وأزرق عادي في شاشة تسجيل دخول فيسبوك!
اتفرج في أول كومنت 👇
🌟 دراسة جديدة عملتها جامعة أوهايو وجامعة تكساس بتأكد أن رفعة سعر البيتكوين لحد 20 ألف دولار في 2017 كان وراها حركة شراء قام بيها أكونت واحد من الحسابات اللي بتديرها شركة التداول Bitfinex باستخدام عملتها المشفرة Tether، وكانت حركة الشراء دي هي السبب في رفع سعر البيتكوين لمدة 3 شهور تقريبا من 3 آلاف تقريبا لحد فوق العشرين ألف دولار!
🌟 سامسونج أعلنت رسمي أنها مش هتصنع الأنوية بتاعت عيلة بروسيسوراتها الخاصة Exynos لانها خلاص اخدت قرار تسريح عمالتها المسؤولة عن تصنيع الانوية دي في مصانعها في أمريكا، وده هيخلي الشركة تعتمد في معالجاتها المستقبلية على أنوية شركة AMD!
🌟 شاومي هتنزل بموبايلها الجديد Mi Note 10 بأول كاميرا 108 ميجابكسل في العالم، وهتبقى ضمن كاميرا خماسية العدسات، 5 ميجابكسل تديك 50 مستوى من الزووم، 12 ميجابكسل فتديك عمق ميدان للصورة لصور البورتريه، 20 ميجابكسل بزاوية غاية في الاتساع، 2 ميجابكسل للتصوير الماكرو!
شاشة 6.4 بوصة، رامات 6 جيجابايت، 128 جيجابايت للذاكؤة الداخلية!
بطارية الجهاز هتبقى 5260 مللي أمبير🔋
🌟 تقرير جديد نشره موقع DigiTimes بيأكد ان أبل شغالة مع شركة الجيمز المعروفة Valve على نضارة ذكية للواقع المعزز AR، واللي متوقع جدا تنزل السنة الجاية!
النضارة متوقع انها تنزل بسيستم مخصوص اسمه rOS قايم على iOS، وهتمسك مهمة تصنيع هيكل النضارة Quanta وPegatron، وكام فيه كلام بيأكد ان النضارة دي هتتربط بالآيفون بحيث يتحمل كل مسؤولية قوة المعالجة المطلوبة للداتا والجرافيكس، ويبقى النضارة دورها يبقى يادوب عرض المحتوى!
🌟 شرطة سكوتلندا بتستخدم حاليا سرب من طيارات الدرونز للتعرف على الوحوه من على ارتفاع في السما يوصل لحد 150 متر من سطح الارض، بحيث تقدر الطيارات دي تساعد في البحث عن المفقودين وكمان البحث عن المطلوبين بسهولة!
النظام المستخدم في الطيارات دي هو نظام للتعرف على الوجوه على سيرڤرات، متخزن فيها قاعدة بيانات ضخمة بتدرب عليها شبكات خلايا عصبية بحيث تقدر تحدد ملامح الأشخاص والعناصر بسهولة في الفيديوهات والصور المتخزنة دي، وبكدا تقدر كاميرا المراقبة المتثبتة في الطيارات دي، وبتستخدم كمان الشرطة ليزر أزرق عشان تنبه الناس أن الطيارات دي بتسجل!
🌟 موبايل سامسونج جلاكسي S11 هينزل بنظام قراءة لبصمة الوحوه زي بتاع أبل FaceID، وده ظهر في تسريب من كود واجهة سامسونج الجديدة OneUi 2.0 واللي ظهر باسم أبلكيشن اسمه Face Service !
🌟 مايكروسوفت اليابان أخدت بنظام عمل جديد وهو 4 أيام شغل بس في الاسبوع بدون تقليل أيام الاجازات السنوية ولا الرواتب الشهرية للموظفين، وده رفع مستوى الانتاجية بنسبة.. 40% 🔥😳
🌟 شبكة إنتاج محتوى ترفيهي اسبانية VTS Media سابت قواعد بيانات كاملة خاصة بمحموعة من النواقع الإباحية في العراء كدا مكشوفة أي حد يشوف الداتا بتاعت المستخدمين من أسماء المستخدمين وكمان أرقام الـIP Address بتاعت أجهزتهم وضبف عليها كمان الحاجات اللي بيتفرجوا عليها على المواقع دي ده غير طبعا الباسوردات الغلط اللي بيدخلوا لما يجوا يفتحوا أكونتاتهم!
🌟 مايكروسوفت اتعاونت مع شركة الإنتاج السينمائي وارنر بروس عشان تحط فيلم Superman بتاع 1978 بنسخته الأصلية الكاملة على مربع من الكوارتز الزجاجي وده بتقنية تستخدم الاشعة تحت الحمراء لتكويد الداتا في صورة بيكسلات ثلاثية الأبعاد اسمها Voxels واللي عشان يتم تحويلها مرة تانية لداتا ممكن تتشاف وتتعرض بيتم استخدام نظام تعليم آلة machine learning وده هيوفر مساحة كبيرة وتكاليف ضخمة للوسائط التخزينية الحالية للداتا من سيديهات وهاردات وغيرها، وكمان آمنة وصديقة للبيئة لانها مش محتاجة طاقة لتشغيلها وبالتالي مبتنتجش حرارة ولا أي ملوثات للجو وبتتسمى بالتخزين البارد Cool Storage
تحياتنا الخالصة
No comments:
Post a Comment