🌟 محكمة بينسلفانيا أصدرت حكم غريب جدًا

السلام عليكم و رحمة الله تعالى و بركاته 

🌟 محكمة بينسلفانيا أصدرت حكم غريب جدًا بإن من حق أي شخص - حتى لو متهم في قضية - انه يرفض تسليم الباسورد الخاص بأجهزته الإلكترونية للبوليس!

الحكم صدر في قضية متعلقة بشخص اسمه Joseph J.Davis المفروض انه متهم في حيازة وترويج مواد إباحية للأطفال، والشرطة كانت عايزة تستخدم مادة من مواد القانون الجنائي الأمريكي خاصة بأحقيتها في مطالبة المتهم بباسورده لإن ده متعلق بشكل رسمي بجانب من جوانب القضية ولا يتعارض أبدًا مع الدستور الأمريكي وتعديله الخامس الخاص بالحريات الشخصية، بس في الآخر المحكمة حكمت ونصرت المتهم ومبررها هو ان الباسورد جزء معنوي متعلق بعقل الشخص في جسمه وبالتالي هو له سيطرة مباشرة عليه وعشان يتم كشفه لازم يكون برضاه، بعكس لو مستندات مادية فبالتالي تقدر الشرطة تاخد أمر تفتيش وتوصلها !

🌟 تقرير نشرته وكالة بلومبرج بيأكد إن أمازون ماشية على خطة جديدة انها تبدأ توسع انتشار فروعها للسبوبرماركت Amazon Go اللي بيخليك تعمل شوبينج تاخد كل اللي انتوعايزه وتمشي بدونزما تثف على كاشير ويتخصم من حسابك على أمازون قيمة اللي اشتريته بشكل مباشر أوتوماتيكي، بحيث ان الموضوع ميقفش عند ال 22 فرع اللي فتحتهم الشركة على مدار التلات سنين اللي فاتوا من 2017 وتبدأ تطبق التقنية الجديدة في صورة فروع متنقلة Pop-up وكمان هتبدأ تبيه للشركات التانية حقوق استخدام تقنيتها في فروع تشيل اسم الشركات التانية مش أمازون 😉🔥

للعلم بس، سوق الشوبينج في أمريكا حجمه 900 مليار دولار، وأحب أقولك ان أمازون مشغلة في قطاع تطوير وإدارة فروع أمازون جو دي حوالي 1000 موظف صرفت عليهم رواتب من 3 سنين حوالي مليار دولار!

🌟 من أسبوعين اتقبض على واحد من أعضاء جروب الهاكرز Chuckling Squad وهو الفريق اللي اخترق أكونت مدير تويتر جاك دورسي أغسطس اللي فات، واللي صرح بالقصة دي أحد رؤساء المجموعة واسمه الكودي Debug لموقع مازربورد امبارح!

🌟 دراسة حديثة نشرتها مؤسسة Pew البحثية بتأكد إن 97% من اجمالي التويتات السياسية اللي بتتنشر على تويتر عن المشهد السياسي في أمريكا بتنشرها 10% بس الأكونتات النشطة على تويتر، في حين ان التويتات السياسية أصلا بتشكل يادوب 13% من التويتات اللي بينشرها الأمريكيين على تويتر!

🌟 بعد يومين بس من إطلاقها، عربية تيسلا الجديدة CyberTruck اتحجزت 146000 مرة، والحجز بـ 100 دولار، يعني في يومين الشركة حققت 14.6 مليون دولار 💨⁦🏎️⁩

🌟 أمازون رفعت قضية بتتهم فيها الحكومة وشخص الرئيس الأمريكي دونالد ترامب بالتحيز ضدها في المناقصة بتاعت وزارة الدفاع الخاصة بمشروع JEDI أو Joint Enterprise Defense Infrastructure أبو 10 مليار دولار، لأنها شايفة انها كانت الاقرب للفوز بالمناقصة، الا ان التحيز من جانب ترامب ضدها وضد مؤسسها جيف بيزوس، ضغط على اللجنة اللي بتفحص العروض عشان ترسّي الدنيا على مايكروسوفت!

🌟 حوالي مليون عميل من عملاء الكارت لشركة T-mobile الامريكية لخدمات الموبايل اتسربت بياناتهم من أسماءهم وأرقام تليفوناتهم وطبيعة باقاتهم واستهلاكهم وكمان عنوان المراسلات، بس مفيش باسوردات اتسربت الحمدلله!

🌟 تسريب جديد لموبايل جلاكسي S11e الأرخص بيأكد ان فعلا سامسونج هتنزل العيلة الجديدة من موبايلاتها بتصميم كاميرا خلفية أقرب لريموت مروحة أو نجفة! 🐸

التصميم المسرب بيوضح ان الاصدار الرخيص هينزل بتلات عدسات للكاميرا الخلفية مع كاميرا فب أعلى منتصف الشاشو بدون نوتش خالص، وضيف على كدا كمان تصميم الجانبين الكيرڤي!

اتفرج عليه في أول كومنت 👇

🌟 ترامب رجع في كلامه بخصوص حظر بيع الڤايب جوا أمريكا، وده بعد ما كان واخد موقف معارض جدا ليها في شبتمبر اللي فات، وتقرير نشرته جريدة نيويورك تايمز  أكد إن التغيير ده حصل بعد رأي المستشارين السياسيين بتوع ترامب خصوصا انه داخل على انتخابات رئاسة 2020!

🌟 ناسا طورت روبوت جديد اسمه Buoyant Rover for Under-Ice Exploration (BRUIE) اللي مفروض بتختبره حاليا في استكشاف المحيطات في ابقارة المتجمدة أنتاركاتيكا، وده استعدادا لاطلاقها الى الفضاء عشان يستكشف أي حياة موجودة في المحيطات المتحمدة على كواكب وأقمار في الفضاء 😳

🌟 فريق مايكروسوفت للأبحاث الخاصة بالهجمات الالكترونية أكد إن جروب الهاكرز الإيراني APT33 بدأ يركز هجماته على شركات تطوير أنظمة التشغيل البرمجية للمكن وخطوط الانتاج والمصانع ومختلف الآلات في الهيئات الصناعية، والتوقعات كلها رايحة في اتجاه ان ده هحوم هدفه سرقة أسرار الأن.مة دي بحيث في المستقبل يقدروا يستهدفوا خطوط إنتاج وكيانات تصنيع عملاقة وممكن توصل لحد مفاعلات نووية!

🌟 مدينة نيويورك ءيتي أعلنت انها استحدثت منصب جديد هيبقى مختص بالمتابعة والاشراف على تطبيق تقنيات الذكاء الاصطناعي جوا المدينة عشان ميحصلش أي تطبيق للتقنيات دي يتعدى على خصوصية السكان!

🌟 حكومة ولاية لويزيانا الامريكية أعلنت حالة الطواريء بعد تعرضها لهجوم من العيار التقيل بفيروسات الفدية الأسبوع اللي فات!

🌟 هيئة الحدود الإلكترونية EFF أطلقت مبادرة جديدة اسمها About Face بتدعو الأمريكيين الى الوقوف والاعتراض على استخدام تقنيات التعرف على الوجوه للمراقبة وتطبيقات تانية كتيرة، بسبب ان التقنيات دي بتتحيز ضد أصحاب البشرة السمراء وأغلب الانظمة الخاصة بالتعرف على الوجوه بتشك في أصحاب البسرة السمراء انهم من المجرمين، وكمان حتى لو النقطة دي اتظبطت، فمازالت التقنيات دي بتنتهك خصوصية وحرية الأمريكيين!

🌟 جوجل حاليا بتواجه موجة من الانتقادات من موظفيها ومسيرات احتجاجية على سياسة الشركة التعنتية ضد بعض الموظفين واللي بقت حاليا بتمشي دايما في سكة الاستبعاد والاقالات لأي أصوات أو آراء معارضة لسياسات وآراء الشركة!

🌟 شركة سوني سجلت براءة اختراع جديدة لتصميم جديد لدراع الجويستيك اللي احتمال كبير يبقى نازل مع.. PS5 !!

التصميم الجديد، اللي ظهر في براءة اختراع اتسجلت في مكتب براءات الاختراع الياباني، بيظهر في الدراع مزود بفتح شحن USB-C وميكروفون، الغريب بقى ان التصميم الجديد مفيهوش الجزء المنور في ضهر الدراع زي PS4، رغم ان دي مش ميزة جوهرية يعني، بس فيه جيمز أصلا بتعتمد على الجزء المنور ده عشان تتابع حركة الدراع في إيديك زي العاب Astro Bot: Rescue Mission وFireWall Zero Hour مثلًا، بس الأكيد برضو ان سوني مليون في المية في التصميم ده عاملة حسابها في ميزة بديلة تحل محل الموضوع ده!

الحاجة اللي كانت واضح عليها التغيير فعلا في التصميم الجديد هي الصدادات R وL، حجم الصدادات كان أكبر من الطبيعي، وده يتوافق مع التقارير اللي كانت اتنشرت الفترة اللي فاتت وقالت ان الصدادات في الـ PS5 هيبقى ليها دور كبير جدًا، خصوصا ان سوني هتزود الجويستيك DualShock 5 بميزة الـ Habtic FeedBack يعني لما تيجي تدوس على الصدادات عشان مثلا تضرب بسلاح آلي الموضوع هيكون مختلف تمامًا عما تستخدمها وانت بتضرب بـ Shotgun .. هيبقى فيه مقاومة من الصدادات نفسه تحسسك كإنك بتضرب بسلاح حقيقي!